Rossiya terma jamoasi sobiq futbolchisi Aleksandr Mostovoy 2006 yilgi jahon chempioni Fabio Kannavaroni O‘zbekiston terma jamoasiga bosh murabbiy etib tayinlanishi mumkinligiga munosabat bildirib, kichik bir to‘rt misrali she’r yozdi.
«Fabio, tayinlov bilan tabriklayman!
O‘zbekistonga Kannavaro bilan
Yorqin va rang-barang g‘alabalar tilayman,
Jahon chempionatida muvaffaqiyatlar,
Mostovoydan Fabioga salom yo‘llayman!» — deb yozdi u o‘z telegram-kanalida.
Shuningdek, Mostovoy Kannavaro bilan padel o‘yinidan keyingi birgalikdagi suratni ham ijtimoiy tarmoqqa joyladi.
Avvalroq xabar qilinganidek, Fabio Kannavaro O‘zbekiston terma jamoasiga bosh murabbiy bo‘lishga og‘zaki rozilik bergan. 52 yoshli mutaxassis o‘z murabbiylik faoliyati davomida «Evergrand», «An-Nasr», «Benevento», «Udineze» kabi klublarni boshqargan. Kannavaro faoliyat olib borgan so‘nggi jamoa Zagrebning «Dinamo»si bo‘lib, u bu yerdan 2024 yil aprelida ketgan edi.
"Manchester Siti"da Gvardiolani iste’foga chiqarish bo‘yicha qaror qabul qilindi
Marmush: Husanov tezlikda tengsiz!
«Real» yulduzi Alonso bilan tortishib qoldi!
