Kanada AQShni yengib, jahon yetakchisiga aylanishni va’da qildi

Kanada AQShning bir qismiga aylanmaydi va savdo urushida uni mag‘lub etadi, deb ta’kidladi Kanada bosh vaziri lavozimiga nomzod Mark Karni.

"Savdo urushi jahon iqtisodiyotini xarob qildi, u [AQSh prezidenti Donald Tramp] Amerikaning qo‘shnisi, eng yaqin do‘sti va eng sodiq ittifoqchisi bo‘lgan Kanadaga xiyonat qildi," - dedi siyosatchi.

Karni mamlakatning xalqaro maydondagi o‘rni kuchayishiga va Amerika "global ishlardan chetlashayotgan" bir paytda, Kanada "dunyo yetakchisi"ga aylanishiga ishonch bildirdi.

Bu bayonotlar AQSH-Kanada munosabatlaridagi zo‘riqish va oldinda turgan saylovlar fonida yangradi. Ushbu saylovlarda Karni o‘zini Kanada milliy manfaatlari va iqtisodiy mustaqilligining himoyachisi sifatida namoyon etmoqda.