Shu tariqa uning xorijga chiqishiga qo‘yilgan taqiq bekor qilingan.

Jizzax viloyatining Zarbdor tumanida ota chet elga chiqish uchun 125 mln so‘m aliment oldindan to‘ladi. Bu haqida MIB axborot xizmati ma’lum qildi.

Qayd etilishicha, Fuqarolik ishlari bo‘yicha sudning ijro varaqasiga asosan qarzdor A.X. dan undiruvchi S.X. foydasiga voyaga yetmagan farzandining ta’minoti uchun aliment undirish belgilangan.

Ijro harakatlari davomida qarzdorning O‘zbekiston Respublikasidan chetga chiqish huquqi vaqtincha cheklangan.

Qarzdor kelgusida chet elga chiqish istagi borligini, biroq bunga taqiq qo‘yilganligi yuzasidan davlat ijrochisiga murojaat qilgan.

Byuroning Zarbdor tumani bo‘limi xodimlarining olib borilgan huquqiy tushuntirishlari natijasida ota o‘z farzandi uchun oldindan 125 mln so‘m aliment pullarini oldindan to‘lab berdi.