Rossiyaning Krasnoyarsk o‘lkasi. Yemelyanovskiy tumanida huquq-tartibot idoralari xodimlari «Korona» ziyofat zalida o‘tkazilgan tadbirga bostirib kirdi, deb xabar berdi Newslab.
Qayd qilinishicha, Rossiya IIV, FXX va Rosgvardiya maxsus kuchlari xodimlari «noqonuniy migrantlar» va giyohvand moddalar savdosiga aloqador bo‘lgan shaxslarni aniqlash maqsadida reyd o‘tkazgan.
Ta’kidlanishicha, o‘zbekistonlik qo‘shiqchi Jaloliddin Ahmadaliyev konserti bo‘lib o‘tayotgan ko‘ngilochar muassasaga bostirib kirgan huquq-tartibot idoralari xodimlari 620 nafar mehmonni tekshirgan, ulardan 210 nafari xorijlik ekani aytilmoqda. Ularning yonidan erkin muomalaga chiqarilishi taqiqlangan buyumlar yoki moddalar topilmagan.
Taqdim etilgan videolavhada Rosgvardiya xodimlari ziyofatdagi shaxslarning hujjatini tekshirayotgani, ularning yoni xizmat iti bilan tekshirilgani, bir guruh erkak yelkama-elka saf tortgan holda olib chiqilgani, ayrimlari qo‘li qayrilgan holda olib ketilgani ko‘rinadi.
Shu bilan birga, 26 nafar xorijlik polisiya bo‘limiga olib ketilgan, ulardan 8 nafari Rossiyada noqonuniy ravishda bo‘lgani ta’kidlanmoqda.
Reyd yakunlari bo‘yicha polisiya xodimlari 19 ta ma’muriy bayonnoma tuzgan: chet el fuqarosi yoki fuqaroligi bo‘lmagan shaxs tomonidan Rossiyaga kirish yoki bo‘lish qoidalari va immigrasiya qoidalarini buzganlik uchun.
Bundan tashqari, Rossiya Jinoyat Kodeksining «Chet el fuqarosi yoki fuqaroligi bo‘lmagan shaxsni soxta hisobga qo‘yish» moddasi bo‘yicha 3 ta material to‘planib, holat yuzasidan tekshiruv boshlangan.
Xitoydan qarzdor davlatlar ro‘yxati tuzildi
Xitoyda ishlab chiqarilgan uch mahsulotning O‘zbekistonga importiga taqiq qo‘yildi
7 kilo oltinni 5 ming dollar evaziga chegaradan o‘tkazib bermoqchi bo‘lgan bojxonachi ushlandi
