«Oltin to‘p-2006» sovrindori Fabio Kannavaro, «Sport-Ekspress» ma’lumotlariga ko‘ra, bir vaqtning o‘zida ikki milliy jamoa — Qozog‘iston va O‘zbekistondan tushgan takliflarni rad etdi.
Manbaning aytishicha, 52 yoshli mutaxassis bu takliflarni muloyimlik bilan rad etgan, chunki u vatanga qaytib, mavsum davomida imkoniyat tug‘ilsa, A Seriyasi klublaridan birini boshqarishni maqsad qilgan.
Eslatib o‘tamiz, avvalroq Qozog‘iston va O‘zbekiston OAVlarida mashhur murabbiy bilan muzokaralar olib borilayotgani haqida xabar berilgandi. Biroq Kannavaro Italiyada ishlash imkoniyatiga ko‘proq e’tibor qaratmoqda.
Murabbiylik faoliyati davomida Kannavaro «Al-Ahli», «Guanchjou Evergrand», «An-Nasr», «Tyanszin Syuanszyan», Xitoy milliy terma jamoasi, shuningdek Yevropada «Benevento», «Udineze» va Zagrebning «Dinamo» klublarida ishlashga ulgurgan.
Gvardiola «Siti»ning 4 nafar futbolchisiga umid bog‘lamayapti. Ro‘yxatda Husanov ham bor
Lamin Yamal katta bayonot berdi: «Allohning rejasi mukammal...»
Dembele Yamalga javob qaytardi
