Jahon banki O‘zbekistonda boshlang‘ich ta’limni rivojlantirish uchun 100 mln dollar ajratadi

Jahon banki O‘zbekistonda boshlang‘ich maktab ta’limi sifatini oshirish va o‘quvchilarning asosiy ko‘nikmalarini rivojlantirish maqsadida 100 million dollar miqdorida imtiyozli moliyalashtirish ajratdi.

“BILIM” dasturi Qoraqalpog‘iston va bir qator viloyatlarda amalga oshirilib, ta’lim sifati va maktab infratuzilmasini yaxshilashga qaratilgan. Loyiha doirasida o‘qituvchilar malakasi oshiriladi, yangi maktablar quriladi hamda boshlang‘ich ta’limda qo‘shimcha o‘quv o‘rinlari yaratiladi.