Italiya terma jamoasi Jahon chempionatlarining barcha g‘oliblari orasida tarixiy antirekord o‘rnatdi

Italiya terma jamoasi JCH-2026 yo‘llanmasi uchun kechgan «A» yo‘li pley-off final bosqichida Bosniya va Gersegovina jamoasiga imkoniyatni boy berdi (1:1, penaltilar seriyasida — 1:4). Shu tariqa, «Skuadra Adzurra» Jahon chempionlari orasida antirekord o‘rnatdi — jamoa o‘z tarixida ilk bor ketma-ket uchta mundialni o‘tkazib yuboradigan bo‘ldi.

Bu futbol tarixidagi ilk holat bo‘lib, ilgari Jahon chempioni bo‘lgan birorta terma jamoa ketma-ket uch marta final bosqichidan chetda qolmagan edi.

Italiyaliklar oxirgi marta 2014 yilgi Jahon chempionatida ishtirok etishgan. Ta’kidlash joizki, «Skuadra Adzurra» to‘rt karra Jahon chempioni (1934, 1938, 1982, 2006) hisoblanadi.