Parij chekkasidagi "Atanor" maxfiy masonlar tashkiloti a’zolarining bir qismi og‘ir jinoyatlarda ayblanmoqda. Ushbu guruh ichida qotillik va hujumlar bilan shug‘ullanuvchi alohida jinoiy tarmoq tuzilgani aniqlangan.
Ayblanuvchilar kursisida jami 22 kishi o‘tiribdi – ular orasida nafaqat masonlar, balki Fransiya tashqi razvedkasining (DGSE) to‘rt nafar xodimi, polisiyachilar va sobiq maxsus xizmat vakillari ham bor. Ular avtopoygachining o‘limi va bir nechta suiqasdlarni tashkil etgan mafioz tuzilma faoliyatida ishtirok etganlikda gumon qilinyapti.
Guruhning 13 a’zosiga umrbod qamoq jazosi xavf solmoqda. Mazkur ish 2020 yilda biznes-trener Mari-Elen Dinini o‘ldirishga bo‘lgan muvaffaqiyatsiz urinishdan so‘ng ochilgan edi. Qo‘lga olingan ijrochilar ayolni go‘yoki "Mossad" agenti bo‘lgani uchun hukumat topshirig‘i bilan yo‘q qilmoqchi bo‘lganlarini da’vo qilishgan. Aslida esa tashkilot a’zolaridan biri o‘z raqobatchisini 70 000 yevro evaziga buyurtma qilgani ma’lum bo‘ldi.
Eronda bir baqqol do‘koni oynasida shunday yozuv ilgan:
Tramp Saudiya shahzodasi haqida keskin bayonot qildi
Turkiya AQShni ogohlantirdi!
