“Qirolga munosib taxt”, Vashingtondagi Kapitoliy binosi ro‘parasida ulkan oltin unitaz haykali paydo bo‘ldi, deb xabar berdi The Insider.
Vashingtondagi Milliy xiyobonda Secret Handshake guruhi yangi installyasiyani taqdim etdi. Avvalroq anonim mualliflar aynan shu joyda boshqa haykallarni — Epshteynning Trampdan olgan tabriknomasi nusxasini va Ozodlik haykalining tojini majag‘layotgan gigant oltin qo‘l ko‘rinishidagi installyasiyani o‘rnatishgan edi.
"Misli ko‘rilmagan tarqoqlik, ziddiyatlarning keskinlashuvi va iqtisodiy inqirozlar davrida prezident Tramp chindan ham muhim bo‘lgan ishga — Oq uydagi Linkoln hojatxonasini rekonstruksiya qilishga e’tiborini qaratdi. Bu uning eng buyuk yutug‘i bo‘lib, prezidentning shunchaki biznesmen emas, balki amaliy ishlar bilan shug‘ullanishini namoyon etib turadi. Bu installyasiya pastga qarab, muammoni ko‘ra bilgan va uni oltin rangga bo‘yagan uzoqni ko‘radigan shaxsga ehtirom ramzidir", deb yozilgan oltin unitaz yoniga o‘rnatilgan taxtachada.
2025 yilning oktyabr oyida Donald Tramp Oq uydagi prezident Avraam Linkoln davriga oid yuvinish xonasini ta’mirlash ishlari yakunlanganini ma’lum qilgan edi.
Eronda bir baqqol do‘koni oynasida shunday yozuv ilgan:
Go‘sht narxi keskin oshmoqda
Tramp Saudiya shahzodasi haqida keskin bayonot qildi
