Suriya fuqarolari qadr-qimmati uyushmasi rahbari Labib al-Nahhas aytishicha, Isroilning druzlar jamoasini himoya qilish uchun Suriyaga hujum qilayotgani haqidagi da’vosi faqatgina yer bosib olish uchun "soxta bahona"dir.
"Ularning druzlarni himoya qilish uchun u yerda ekanligini aytgan rasmiy bayonotlariga shubha bilan qarash kerak, chunki Isroildagi druzlarning o‘zi ikkinchi darajali fuqarolar hisoblanadi. Shuning uchun bu haqiqiy niyat bo‘lishi mumkin emas," - dedi al-Nahhas Al Jazeera’ga.
U 2023 yil 7 oktyabrdan keyin "yangi Isroil" paydo bo‘lganini ta’kidladi.
"Biz ko‘rayotgan Isroil 1967 yildan beri ko‘rgan eng kengayuvchi, tajovuzkor va dushmanona davlatdir. U Suriya bo‘linmaguncha urushni to‘xtatmasligini aytdi. [Isroil Bosh vaziri Binyamin] Netanyahu Suriya harbiy kuchlari ishtirokisiz o‘z bufer zonasini yaratishini ma’lum qildi," - dedi al-Nahhas.
Shunday qilib, biz Isroilning Suriyani o‘ziga ma’qul tarzda shakllantirish harakatlarini kuzatmoqdamiz. Isroil Suriyaning kuchsiz va markazlashmagan holda qolishini, hamda yaqin oylar va yillarda o‘ziga tahdid solmasligini istayapti. Bu aralashuv Isroilning mintaqadagi manfaatlari va yangi strategiyasiga to‘liq mos keladi.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
