Isroil harbiylari AQSh vositachiligida Saudiya Arabistoniga Yamandagi «Ansorulloh» (husiylar) isyonchi harakatiga qarshi harbiy operasiyani qo‘llab-quvvatlashga yordam berishi mumkin bo‘lgan razvedka ma’lumotlarini yetkazmoqda.
Bu haqda The Jerusalem Post nashri xabardor manbaga tayanib yozgan.
«Payshanba kuni harbiy idora vakili Isroil mudofaa armiyasi tomonidan taqdim etilayotgan katta hajmdagi razvedka ma’lumotlari husiylarga qarshi harbiy operasiyalarni qo‘llab-quvvatlash maqsadida AQSh orqali Saudiya Arabistoniga yetkazilishi davom etayotganini tasdiqladi», — deb xabar beradi nashr.
JPost suhbatdoshining izohlashicha, shu yo‘l bilan Isroil rahbariyati kelgusida unga qarshi dushmanlik harakatlarini amalga oshirishga tayyorlanayotgan raqibning jangovar salohiyatini zaiflashtirmoqda.
Bundan tashqari, Isroil tomoni mintaqaviy qarama-qarshiliklar davomida qo‘llanilayotgan qurolli kurash usullari va taktik yondashuvlarni ham tahlil qilmoqda.
Manba, shuningdek, mintaqadagi boshqa davlatlar ham Ar-Riyodning husiylarga qarshi operasiyasini diqqat bilan kuzatayotganini ta’kidladi. Ular shunga o‘xshash qurolli guruhlar kelajakda o‘zlariga qarshi ham qo‘llanilishi mumkinligidan xavotir bildirmoqda.
Biz G‘azo sektori va Livan qishloqlarini vayron qilyapmiz, butun dunyo esa bizga qoyil qolmoqda
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
