Isroil sudi Rossiya-Isroil fuqarosi, tarixchi va TRT rus tilidagi kolumnisti Artyom Kirpichenok ishi bo‘yicha ayrim ma’lumotlarni oshkor qilishga ruxsat berdi.
Ma’lum qilinishicha, unga xorijiy maxsus xizmatlar bilan hamkorlik qilish va Isroil davlat xavfsizligiga qarshi faoliyat bilan bog‘liq ayblovlar qo‘yilgan. Aniq jinoiy moddalar hozircha maxfiy saqlanmoqda.
Kirpichenok 2 avgust kuni Yerevandan Isroilga kelganidan so‘ng Ben-Gurion aeroportida hibsga olingan. Unga dastlab 20 kun davomida advokat bilan uchrashishga ruxsat berilmagan, hibs muddati esa bir necha bor uzaytirilgan.
Tarixchining advokati Inna Led ayblovlarni rad etib, uning mijozi Isroilning maxfiy ma’lumotlariga ega bo‘lmaganini va davlat xavfsizligiga zarar yetkazmaganini bildirmoqda.
Hozirda Kirpichenok Ayalon qamoqxonasida saqlanmoqda. Uy qamog‘iga o‘tkazish haqidagi iltimos sud tomonidan rad etilgan.
Isroil rasmiylari ishning katta qismini maxfiy saqlamoqda.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
