Isroil tomonidan amalga oshirilgan tonggi havo va artilleriya zarbalari natijasida G‘azo sektorida kamida 21 nafar falastinlik halok bo‘ldi. Bu haqda tibbiy manbalar va guvohlar xabar bermoqda.
Ma’lumotlarga ko‘ra, halok bo‘lganlardan 15 nafari gumanitar yordam kutayotgan paytda o‘ldirilgan. Eng qonli voqealardan biri anklavning janubidagi Rafah shahrida sodir bo‘ldi. U yerda Isroil harbiylari yordam olish uchun to‘plangan tinch aholiga o‘t ochgan. Natijada 9 kishi halok bo‘ldi, o‘nlab odamlar turli darajada tan jarohati oldi.
Yana bir hujum G‘azo markazidagi Vadi G‘azo hududida, Salahaddin ko‘chasida amalga oshirildi. U yerda ham fuqarolar ozuqa va ichimlik suvi kutayotgan edilar. Bu yerda 6 nafar falastinlik halok bo‘ldi.
Mahalliy manbalarga ko‘ra, jarohatlanganlar orasida ahvoli og‘irlar ko‘p bo‘lgani sababli halok bo‘lganlar soni ortishi mumkin. Shu bilan birga, shifoxonalarda dori-darmon va tibbiy uskunalar yetishmovchiligi ham jiddiy muammoga aylangan.
Xalqaro gumanitar tashkilotlar zudlik bilan o‘t ochishni to‘xtatish va yordam karvonlarini xavfsiz tarzda hududga kiritishni talab qilmoqda.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
