Rossiya prezidenti Vladimir Putin 2025 yilda mamlakat yalpi ichki mahsuloti o‘sishi 1 foiz atrofida, inflyasiya esa 6 foiz atrofida yoki undan past bo‘lishi kutilayotganini aytdi.
Putin bu haqda Strategik rivojlanish va milliy loyihalar bo‘yicha kengash yig‘ilishida ma’lum qildi.
"Joriy yilda iqtisodiyotda kutilayotgan pasayish kuzatildi va inflyasiyaning pasayishi bilan birga yalpi ichki mahsulotning o‘sishi ham sekinlashdi. Yil oxiriga kelib o‘sish 1 foiz atrofida, inflyasiya esa 6 foiz atrofida yoki undan past bo‘ladi. Umuman olganda, ko‘zlangan maqsadga erishilmoqda", - deya ta’kidladi u.
Putinning qo‘shimcha qilishicha, past ishsizlik va o‘rtacha inflyasiyani saqlab qolgan holda iqtisodiy sur’atni bosqichma-bosqich oshirish uchun sharoitlar yaratilgan. Uning qayd etishicha, Markaziy bank kelgusi yilda inflyasiya 4-5 foizni tashkil etishini prognoz qilmoqda.
U, shuningdek, hukumat 2030 yilgacha iqtisodiyotdagi tarkibiy o‘zgarishlar rejasini tayyorlaganini ma’lum qildi va kelasi yil oxirigacha iqtisodiy o‘sish sur’atlarini jahon standartlariga teng yoki undan pastroq bo‘lishiga erishish uchun platforma yaratish maqsadida uni zudlik bilan amalga oshirish zarurligini ta’kidladi.
Kelayotgan hafta O‘zbekistonda sovuq havo kutilmoqda
Rossiya Sibir daryolari suvini Markaziy Osiyo bilan bo‘lishmaydi — olimlar fikri
Muhammad Saloh jazolanadigan bo‘ldi
