Ispaniyada elchi vazir nutqi vaqtida uxlab qolgani uchun ishdan haydaldi

Ispaniya tashqi ishlar vaziri Xose Manuel Albares Belgiyadagi elchisi Alberto Anton Madriddagi konferensiyadagi uzoq nutqi chog‘ida uyquga ketganidan so‘ng uni ishdan bo‘shatdi.

Ishdan bo‘shatish vazirlikdagi keng ko‘lamli «tozalash»ning bir qismi bo‘lib, yaqinda kamida yetti nafar yuqori martabali diplomat ketgan.

Ommaviy axborot vositalari va hamkasblar sosialist vazirni shaxsiy qasoslarda va «terror muhiti» yaratishda ayblamoqda. Manbalarga ko‘ra, Albares o‘ziga yoqmagan barcha kishilarning «qasos ro‘yxati»ni yuritadi.