Italiyadagi aeroportda bir inson samolyot dvigateliga kirib ketdi

Bergamo aeroportining uchish-qo‘nish yo‘lagida (rasmiy nomi "Orio-al-Serio") baxtsiz hodisa ro‘y berdi – bir kishi samolyot dvigateliga kirib halok bo‘ldi.

Bu haqda RaiNnews24 telekanali xabar berdi.

Qayd etilishicha, polisiya erkakni ta’qib qilgan, biroq uni to‘xtata olmagan. U mashinani tashlab, birinchi qavatdagi kelish zonasiga yugurdi, u yerda samolyot to‘xtash joyiga olib boruvchi xavfsizlik eshigini ochdi, uchish-qo‘nish yo‘lagiga yugurib chiqdi va o‘sha vaqtda uchishga hozirlanayotgan samolyot tomon yugurdi.

Hozircha uning harakatlari sabablari, shuningdek, aeroport tashqarisidan uchish-qo‘nish yo‘lagiga qanday yetib kelgani noma’lum.