Islom Karimov Erkin Komilovga: "Erkinboy, bu hammasi tayyorlangan gaplar. O‘zingiz biror nima deng" (video)

O‘zbekiston xalq artisti Erkin Komilov Islom Karimovni xotirlab intervyu berdi.

«Mustaqillik o‘zidan o‘zi kelgani yo‘q. Muhtaram Prezidentimiz aql-zakovati, shuuri, qolaversa, qattiqqo‘lligi, o‘z xalqini haddan tashqari yaxshi ko‘rishi oqibatida mustaqillikni qo‘lga kiritdi», — deydi aktyor.

«Uchrashganimda ham, sahnaga chiqqanimda ham, ikki ko‘zi go‘yoki menda turgandek tuyulardi menga».

«Moskvadagi Islom Karimov haykali tirikka o‘xshaydi mening nazarimda. Islom Abdug‘aniyevich Registondan tashqariga chiqib kelayotgandek. Badanlarim jimirlab ketdi ko‘rib. O‘sha yerda ikki soat turgan bo‘lsak, ikki ko‘zim Islom Abdug‘aniyevichda bo‘ldi. Go‘yo o‘sha yerda ham menga qarab turganga o‘xshardi», — deya tuyg‘ularini bayon qildi Erkin Komilov.