O‘zbekiston Birinchi Prezidenti Islom Karimovning nabirasi, Gulnora Karimovaning qizi Iman Karimova 24 oktyabrda o‘tkaziladigan prezidentlik saylovlarida kimga ovoz berishini Instagram’dagi stories’ida ma’lum qildi.
Iman «24 oktyabr kuni bo‘lib o‘tadigan prezidentlik saylovida kimga ovoz berasiz?», degan savolga qisqacha «O‘zLiDeP», deya javob yozgan. Eslatib o‘tamiz, O‘zbekiston Liberal-demokratik partiyasidan Shavkat Mirziyoyev prezidentlikka nomzod etib ko‘rsatilgan.
Shuningdek, Iman hozirda O‘zbekistonda emasligini bildirgan. U «Qachon Xorazmga kelasiz?», degan savolga «Keyingi safar O‘zbekistonga borganimda», deb javob qaytargan.
Ma’lumot uchun, O‘zbekistonda 24 oktyabr, yakshanba kuni prezident saylovi bo‘lib o‘tadi. Unda Ekologik partiyadan Narzullo Oblomurodov, Xalq demokratik partiyasidan Maqsuda Vorisova, Liberal-demokratik partiyadan Shavkat Mirziyoyev, «Milliy tiklanish» demokratik partiyasidan Alisher Qodirov va «Adolat» sosial-demokratik partiyasidan Bahrom Abduhalimov nomzod sifatida ishtirok etadi.
Qarshi shahri hokimi sud qilindi
Buxoroda 12 yoshli qizning 4 oylik homilasi borligi ma’lum bo‘ldi
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
