Husanovsiz "Siti" "Lester" bilan o‘yinda qiyinchiliksiz g‘alaba qozondi

Angliya chempionatining 30-turida "Manchester Siti" o‘z maydonida "Lester"ni mag‘lub etdi - 2:0.

"Shaharliklar"ning gollariga birinchi bo‘limda Jek Grilish va Omar Marmush mualliflik qildi.

Hamyurtimiz Abduqodir Husanov ushbu o‘yin qaydnomasiga kiritilmadi.

"Manchester Siti" ochkolarini 51 taga yetkazib, APL turnir jadvalida to‘rtinchi o‘ringa ko‘tarilib oldi. Chempionatda qatorasiga yettinchi mag‘lubiyatni qabul qilib olgan "Lester" (17) so‘nggi pog‘onadan oldingi 19-o‘rinda bormoqda.