Hisoblagichga tashqi ta’sir ko‘rsatib tabiiy gazdan noqonuniy foydalanish holati fosh etildi

"O‘zenergoinspeksiya" Navoiy viloyat hududiy boshqarmasi tomonidan o‘tkazilgan nazorat tadbirida Karmana tumanida joylashgan "Mahorat markazi” ta’lim muassasasiga qarashli binoning gaz hisoblagichiga tashqi ta’sir ko‘rsatilib, tabiiy gazdan noqonuniy foydalanib kelayotganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 250,6 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.