Bugun, 6 sentyabr kuni O‘zbekiston U-20 terma jamoasi 2027 yilgi U-20 Osiyo kubogi saralash bosqichidagi so‘nggi uchrashuvini o‘tkazadi.
Jamoliddin Rahmatullayev shogirdlari Toshkentdagi "Do‘stlik" stadionida Suriya U-20 terma jamoasiga qarshi maydonga tushadi. Uchrashuv soat 19:00 da boshlanadi.
O‘zbekiston yoshlar terma jamoasi dastlabki ikki turni yo‘qotishsiz o‘tkazdi. Vakillarimiz avval Bangladeshni 2:0, keyin esa Hindistonni 4:0 hisobida mag‘lub etdi. Natijada jamoa 6 ochko bilan "B" guruhida peshqadam bo‘lib turibdi.
Suriya esa 3 ochko bilan ikkinchi pog‘onada. Shu bois bugungi uchrashuv guruh g‘olibini aniqlashda hal qiluvchi ahamiyat kasb etadi. O‘zbekistonga Suriyaga qarshi g‘alaba yoki durang 2027 yilgi U-20 Osiyo kubogi final bosqichiga to‘g‘ridan-to‘g‘ri yo‘llanma olish uchun yetarli bo‘ladi.
O‘zbekiston — Suriya
6 sentyabr, 19:00
"Do‘stlik" stadioni, Toshkent.
"Bunyodkor"da vaziyat jiddiy
"Manchester Siti" Chempionlar ligasi uchun 23 futbolchini ro‘yxatdan o‘tkazdi
Bir haftada 9 mln dollar! Ronaldu o‘g‘lining xarajatlaridan hayratda
