Gruziya so‘nggi bir necha kun ichida mamlakatda noqonuniy yashab kelayotgan 29 nafar chet el fuqarosini deportasiya qildi.
«Report» nashrining Gruziya byurosi xabar berishicha, mazkur operasiya Gruziya Ichki ishlar vazirligi Migrasiya departamenti tomonidan vakolatli davlat idoralari bilan kelishilgan holda amalga oshirilgan.
Deportasiya qilinganlar orasida Hindiston, Gana, Turkiya, Nepal, Turkmaniston, Eron, Pokiston va Latviya fuqarolari bor. Qonunga ko‘ra, ularning Gruziyaga qayta kirishi ham taqiqlangan.
