Germaniyaning Drezden shahri yaqinidagi Xaydenau hududida qurg‘oqchilik tufayli suvi sayozlashgan Elba daryosi sohilidan og‘irligi 250 kilogramm bo‘lgan aviabomba topildi. Bu haqda Bild nashri mahalliy polisiya ma’lumotlariga tayanib xabar berdi.
O‘q-dori daryo suvi chekinishi natijasida ochilib qolgan shag‘allar orasidan aniqlangan. Dastlabki ma’lumotlarga ko‘ra, aviabomba sovet ishlab chiqarishiga mansub bo‘lishi mumkin.
Bild ushbu topilmaning g‘ayrioddiy ekaniga e’tibor qaratgan. Chunki 1945 yil fevral oyida Drezden kuchli bombardimon qilingan vaqtda shaharga havo zarbalarini asosan Britaniya va AQSh kuchlari bergan edi.
Ayni paytda mutaxassislar aviabombaning kelib chiqishi va uni xavfsizlantirish bilan bog‘liq holatlarni o‘rganmoqda.
Dunyoda atigi uch kishi xorijga pasportsiz sayohat qilishi mumkin
Muhojirlar ketmoqda — Moskva esa qaytishga chaqirmoqda
Amanbay Orinbayevga general-mayor unvoni berildi
