Eng qizig‘i, Partiya logotipida mushuk tasvirlangan, deb yozmoqda "Meduza".
Berlinda 12 va 13 iyun kunlari siyosatchi Ilya Yashin e’lon qilganidek, muxolifatdagi rossiyaliklar manfaatlarini himoya qiluvchi siyosiy partiyaning ta’sis qurultoyi bo‘lib o‘tmoqda.
Ommaviy axborot vositalari va delegatlarning o‘zlari tomonidan qurultoydan e’lon qilinayotgan suratlarda "Rossiya tinchliksevar kuchlari" (Mirnie sili Rossii) nomi tushirilgan bannerlar va partiyaning logotipi — mushukning dizaynlashtirilgan tasviri ko‘zga tashlandi. Partiyaning rasmiy nomi hozircha yo‘q.
Yashinning yozishicha, tashkiliy qo‘mita uni "Rossiya tinchliksevar kuchlari" deb atashni taklif qilgan, biroq bu, uning so‘zlariga ko‘ra, kutilganidek ijtimoiy tarmoqlarda bahs-munozaralarga sabab bo‘lgan. Shuningdek, partiyani "Tinchliksevar Rossiya" (Mirnaya Rossiya) deb atash rejalashtirilayotgani haqida ham xabarlar paydo bo‘ldi.
Yashinning aytishicha, bu nomda muhim tarixiy ishora bor. "2011 yil dekabrida Moskvadagi yuz ming kishilik norozilik mitingida chiqish qilgan Aleksey Navalniy: "Men bu maydonda Kremlni hujum bilan egallash uchun yetarli odamlarni ko‘ryapman. Ammo biz — tinchliksevar kuchmiz", degan edi", — deya eslatdi u.
Timmi ismli kit bioyoqilg‘iga aylanadi
Jaloliddin Masharipov terma jamoa qaydnomasidan chiqarilmoqda
AQShda ham to‘y qilayotganlar aqldan ozmoqda
