Xalqaro aviasiya va kosmik saloni (MAKS) 2026 yilgi ko‘rgazmalar ro‘yxatidan chiqarib tashlandi, bu Rossiya hukumatining tegishli farmoyishidan ma’lum bo‘ldi. Bunday qaror qabul qilinishi sabablariga aniqlik kiritilmagan. Hujjatda MAKS bilan birga gidroaviasiya bo‘yicha "Gidroaviasalon" ilmiy konferensiyasi va "Xalqaro vertolyot texnikasi va aviasiya tizimlari saloni" ham tilga olingan — ularning barchasi 2027 yilga "ko‘chirilgan".
Aviasalonning bekor qilinishi boshqa ommaviy tadbirlarning ko‘chirilishi fonida yuz bermoqda. Xususan, 12 iyun — Rossiya kuni munosabati bilan Moskvadagi Qizil maydonda o‘tkazilishi kerak bo‘lgan konsert ham bekor qilindi — tadbir boshqa joyga, Preobrajenskaya maydonidagi Mossovet nomidagi madaniyat markaziga ko‘chirildi.
Bu oxirgi 23 yil ichida birinchi marta sodir bo‘ldi, avvalroq Qizil maydondagi konsertlar hatto COVID-19 pandemiyasi davrida ham bekor qilinmagan edi.
Rossiya Mudofaa vazirligi buni "hozirgi tezkor vaziyat" bilan izohladi.
47°C issiqlikda tong ham, tun ham yo‘q: Hindistonning eng issiq hududida bir kun
Timmi ismli kit bioyoqilg‘iga aylanadi
Jaloliddin Masharipov terma jamoa qaydnomasidan chiqarilmoqda
