Germaniya 500 million dollarlik Ukrainaga harbiy yordam paketini moliyalashtirishga tayyorligini ma’lum qildi

Germaniya, boshqa ittifoqchilar bilan birgalikda, NATOning «Ukrainaning ustuvor ehtiyojlar ro‘yxati» (PURL) dasturi doirasida Ukrainaga qiymati 500 million dollar bo‘lgan harbiy yordam paketini moliyalashtirishga tayyor.

FRG Mudofaa vazirligi bayonotiga ko‘ra, Germaniya hamkorlari bilan birgalikda PURL doirasidagi ilk kompleks yordam paketlaridan biri uchun mablag‘ ajratishni rejalashtirmoqda.

Hujjatda AQShga Ukrainaga qurol-yarog‘ va o‘q-dorilar yetkazib berishdagi uzluksiz yordami uchun minnatdorlik bildirilgan hamda Germaniyaning mazkur tashabbusga qo‘shilishi Kiyevga ko‘rsatilayotgan qo‘llab-quvvatlashni sezilarli darajada kuchaytirishi ta’kidlangan.