GO‘Mlar hayotimizga suqilib kirganiga bir necha o‘n yilliklar bo‘ldi. GO‘Mlar, ya’ni transgen organizmlar boshqa biologik ob’ektlarning geni ko‘chirib o‘tkazilgan o‘simliklar, jonivorlar, shu jumladan mikroblar ham bo‘lishi mumkin. Hozirgi vaqtda transgen o‘simliklar borgan sari ko‘proq ommalashmoqda.
Geni o‘zgartirilgan mahsulotlarning dastlabki vakillari – Monsanto kompaniyasi tomonidan yaratilib ilk bor 1994 yilda AQSh da iste’molga chiqarilishga ruxsat etilgan pomidorlardir. Shundan buyon geni o‘zgartirilgan meva-sabzavot turlari 400 tadan oshib ketdi.
Geni o‘zgartirilgan o‘simlik va hayvonlarning ko‘payishi dunyo ekologlari e’tiboridan chetda qolmadi. O‘simliklarning genini o‘zgartirish ishlab chiqaruvchilar uchun foydali bo‘lishi mumkin lekin insonlar uchun, bioxilma-xillik uchun katta ziyondir.
