AQSh prezidentining ta’kidlashicha, Qatarga zarba berish qarori uning emas, balki Binyamin Netanyaxuniki bo‘lgan. Bu haqda u Truth Social’da yozdi.
“Men hujumdan keyin bosh vazir Netanyaxu bilan gaplashdim. U menga tinchlik istashini aytdi. Bu qayg‘uli voqea tinchlikka yo‘l ochishi mumkin, deb o‘ylayman. Shuningdek, Qatar amiri va bosh vaziri bilan suhbatlashib, ularning qo‘llab-quvvatlashi va do‘stligi uchun minnatdorlik izhor qildim. Yurtlarida bunday holat yana takrorlanmasligiga ishontirdim”, — dedi u.
