Ofsaydni qayd etish qoidasini o‘zgartirish yana kun tartibiga qo‘yildi. Futbol qoidalarini tartibga soluvchi IFAB Arsen Venger anchadan beri ilgari surayotgan o‘zgarishni qayta ko‘rib chiqishni boshladi.
G‘oya shundan iboratki, ofsayd faqat hujum qilayotgan o‘yinchi butun gavdasi bilan to‘p uzatish paytida himoya qilayotgan jamoaning so‘nggi o‘yinchisiga qaraganda darvozaga yaqinroq bo‘lgandagina qayd etilishi mumkin.
Cadena SER xabariga ko‘ra, ofsayd qoidasini o‘zgartirish bo‘yicha yakuniy ovoz berish 1 martga belgilangan. Agar qaror ijobiy bo‘lsa, bu XXI asrda futbol qoidalaridagi eng katta o‘zgarishlardan biri bo‘ladi.
Qayd etilishicha, qoida 2026 yilgi jahon chempionatidayoq joriy etilishi mumkin. Lekin hammasi ovoz berish natijalariga bog‘liq bo‘ladi.
O‘zbekistonning "JCH–2026" guruh bosqichidagi raqibi o‘zgarishi mumkin
O‘zbekistonlik futbolchi faoliyatini Yevropa klubida davom ettirishga yaqin
Gvardiola Husanov sariq kartochka olgan vaziyat haqida fikr bildirdi
