Fransiyadagi muzeydan to‘rtta rasm o‘g‘irlandi

Fransiyaning janubidagi Kan-syur-Mer shahridagi Ogyust Renuar muzeyidan to‘rtta rasm o‘g‘irlandi.

TF1 nashri xabariga ko‘ra, talonchilik 8 sentyabr kuni erta tongda sodir bo‘lgan.

Videokuzatuv kameralari rasmlarni kesib tashlagan ikki o‘g‘rini suratga olgan. Voqea joyiga shahar va milliy polisiya yuborilgan.

O‘g‘irlangan to‘rtta asarning ismlari hali e’lon qilinmagan. O‘g‘irlangan rasmlar Ogyust Renuarning o‘ziga tegishlimi yoki yo‘qmi, noma’lumligicha qolmoqda.

Muzey rassom 1907 yilda sotib olgan Le-Kollett mulkida joylashgan. U yerda Renaur ikkita studiyali villa qurgan va 1919 yilda vafotigacha yashagan.

Yillar davomida mulkka rassomning do‘stlari va zamondoshlari, jumladan, Anri Matiss, Pablo Pikasso, Amedeo Modilyani va Klod Mone tashrif buyurishgan. Muzey binoda 1960 yillardan beri faoliyat yuritib kelmoqda. Uning kolleksiyasida Renuarning 13 ta rasmi, shuningdek, Aristida Mayolya, Pyera Bonnara i Raul Dyufi kabi boshqa rassomlarning asarlari mavjud.