Fransiyada shampanning alkogol miqdorini oshirishga birinchi marta ruxsat berildi

O‘tgan yozdagi rekord darajadagi issiq shampanning alkogol miqdoriga ta’sir qiladi.

Fransiyada shampanning ruxsat etilgan alkogol miqdorini vaqtincha 13 foizdan 15 foizgacha oshirishga birinchi marta ruxsat berildi. Bunga Shampan mintaqasida bu yozda kuzatilgan kuchli issiqlik va qurg‘oqchilik sabab bo‘lgan. Bu haqda BBC xabar berdi.

Issiq havo tufayli uzumda odatdagidan ancha ko‘p shakar to‘plangan. Shu sababli hosil yig‘ish vaqtidayoq uzumning ehtimoliy alkogol darajasi yuqori bo‘lgan. Ishlab chiqaruvchilar ikkinchi fermentasiyadan so‘ng ayrim vinolarda alkogol miqdori 13,1–13,2 foizga yetishi mumkinligini kutmoqda.

2026 yil shampan ishlab chiqarish tarixi uchun ehtimol, tarixiy yil sifatida baholanmoqda. Ilk uzum boshoqlari avgust oyining boshida yig‘ila boshlangan. Bu mintaqa tarixidagi kuzatuvlar davridagi eng erta hosil hisoblanadi.

Bunga bahordagi kuchli sovuqlar, juda erta gullash va yoz davomida kuzatilgan beshta ekstremal issiqlik to‘lqini ta’sir qilgan.

Sharob ishlab chiqaruvchilar hosil miqdori kam bo‘lishiga qaramay, uning sifati ayniqsa yuqori bo‘lishini kutmoqda.

2026 yil hosilidan tayyorlangan shampan savdoga 2028 yildan oldin chiqmaydi, chunki ichimlik kamida 15 oy davomida yetilish jarayonidan o‘tishi kerak.