Saudiya Arabistoni Isroildan yordam so‘radi

Saudiya Arabistoni Yamandagi husiylarning tez sur’atlar bilan oldinga siljishi fonida Isroildan razvedka va boshqa yordam so‘radi. Israel Hayom nashrining xabar berishicha, valiahd shahzoda Muhammad bin Salmon AQSh Markaziy qo‘mondonligi (CENTCOM) orqali Tel-Avivga strategik Bob al-Mandeb bo‘g‘oziga tahdid borasida so‘rov yuborgan. Ar-Riyod Qizil dengizda yuk tashishning to‘liq to‘xtatilishidan xavotirda. So‘nggi kunlarda Eron tomonidan qo‘llab-quvvatlangan husiylar Yamanning g‘arbiy sohilida sezilarli yutuqlarga erishdilar va Qizil dengiz va Aden ko‘rfazi o‘rtasidagi muhim o‘tish joyi bo‘lgan Bob al-Mandebga yetib kelishdi.