Qirg‘izistonda muzliklar shiddat bilan erimoqda

Asr boshidan beri ularning umumiy maydoni qariyb 17%ga qisqargan. Ayrim muzliklar yiliga 16 metrgacha chekinyapti.

Bu faqat Qirg‘iziston muammosi emas. Mamlakatda qariyb 10 mingta muzlik bor. Ulardan oqadigan suv daryolarni to‘ldiradi, dalalarni sug‘oradi va GESlarni ishlatadi. Tyan-Shan muzliklari Markaziy Osiyoning asosiy suv manbalaridan biri hisoblanadi.

Qirg‘izistondagi muzliklar erishi O‘zbekiston dalalarigacha ta’sir qiladi. Tyan-Shandan tushgan suv daryolar orqali O‘zbekistonga ham keladi. Muzliklar hozir tez eriyotgani — keyinchalik daryolarga tushadigan suv kamayishi degani. Hisob-kitoblarga ko‘ra, kelajakda sug‘orish suvining qariyb chorak qismi yetishmay qolishi mumkin.