Fransiya sun’iy intellektga asoslangan filmlarni qo‘llab-quvvatlashni cheklaydi

Fransiya kino ishlab chiqarish va dublyajda sun’iy intellektdan haddan tashqari foydalanishga qarshi.

Bu haqda madaniyat vaziri Katrin Pegar 79-Kann kinofestivali davomida bo‘lib o‘tgan matbuot anjumanida ma’lum qildi.

Uning ta’kidlashicha, Milliy kino va animasiya markazi (CNC) inson ijodiga ustuvor ahamiyat berish tamoyiliga asoslanib, davlat tomonidan qo‘llab-quvvatlash qoidalarini o‘zgartiradi.

Pegarning ta’kidlashicha, sun’iy intellekt vosita sifatida ishlatilishi mumkin, ammo asar muallifining o‘rnini bosmasligi kerak. Dublyajni qo‘llab-quvvatlash faqat inson ishtirokida yaratilgan loyihalarga nisbatan qo‘llaniladi.

U shuningdek, Fransiya UNESCOda madaniy sohada sun’iy intellektdan foydalanishni tartibga soluvchi xalqaro standartlarni ishlab chiqish tashabbusini ilgari surayotganini qo‘shimcha qildi.