Fransiya ortidan Italiyadagi norozilik namoyishlari zo‘ravonlikka aylandi

Fransiya izidan Italiyada ham yashash narxining yuqoriligi, yoqilg‘i narxlari va soliqlarga qarshi norozilik namoyishlari tartibsizliklarga aylanib ketdi.

Milanda qora kiyim kiygan yoshlar huquqni muhofaza qilish organlari xodimlariga qo‘lda yasalgan o‘t o‘chiruvchi vositalar, metall to‘siqlar va shishalarni uloqtirdi.

Xavfsizlik kuchlari namoyishchilarni tarqatish uchun ko‘zdan yosh oqizuvchi gaz va suv to‘plaridan foydalanishgan, ammo chekinishga majbur bo‘lishgan, shundan so‘ng namoyishchilar asosiy maydon - Duomo maydonini egallab olishgan.

Sky TG24 xabariga ko‘ra, Bergamo, Bolonya, Milan va Turindagi to‘qnashuvlarda 197 kishi hibsga olingan, ulardan 12 nafari voyaga yetmagan va olti nafari chet el fuqarosi. Xabarlarga ko‘ra, 141 nafar polisiya xodimi jarohat olgan.

Bosh vazir Djordja Meloni tartibsizliklarni qoralab, namoyish o‘tkazish huquq ekanligini, ammo shaharlarni yoqib yuborish huquq emasligini ta’kidladi.