"Forbes" yilning eng ko‘p maosh oluvchi futbolchilari reytingini e’lon qildi

Portugaliyalik hujumchi Krishtianu Ronaldu Forbes nashri talqiniga ko‘ra 2025 yilning eng ko‘p maosh oluvchi futbolchisi bo‘ldi. Ikkinchi o‘rinda «Inter Mayami» forvardi, argentinalik Lionel Messi joy oldi.

Forbes ma’lumotlariga ko‘ra, 2025/2026 yilgi mavsumda Ronaldu «An-Nasr» klubidan jami 280 million dollar ishlab topadi. Bu summaga nafaqat o‘yinlar uchun to‘lanadigan maosh, balki klub ishtirokida tuzilgan turli tijorat shartnomalaridan keladigan moliyaviy bonuslar ham kiritilgan. Shuningdek, u turli hamkorlardan yana 50 million dollar daromad oladi.

Forbes talqiniga ko‘ra 2025 yilning eng ko‘p maosh oluvchi futbolchilari:

1. Krishtianu Ronaldu («An-Nasr») — $280 mln
2. Lionel Messi («Inter Mayami») — $130 mln
3. Karim Benzema («Al-Ittihod») — $104 mln
4. Kilian Mbappe («Real») — $95 mln
5. Erling Xoland («Manchester Siti») — $80 mln
6. Vinisius («Real») — $60 mln
7. Muxammad Saloh («Liverpul») — $55 mln
8. Sadio Mane («An-Nasr») — $54 mln
9. Jud Bellingem («Real») — $44 mln
10. Lamin Yamal («Barselona») — $43 mln.