Slovakiya hukumati Ukrainaga harbiy yordam uchun "bir tiyin ham ajratmaslikka" qaror qildi. Bu haqda respublika bosh vaziri Robert Fiso o‘zining Facebook ijtimoiy tarmog‘idagi sahifasida xabar berdi.
"Slovakiya Ukrainadagi biror harbiy operasiyada qatnashmaydi va unga harbiy yordam uchun bir tiyin ham ajratmaydi," - deya yozdi u.
Shu bilan birga, hukumat rahbari Ukraina va Slovakiya hukumatlarining qo‘shma majlisini o‘tkazishni taklif etdi. Fisoning fikricha, bunday uchrashuvda asosiy muhokama mavzusi ikki davlat uchun foydali bo‘lgan loyihalarni amalga oshirish bo‘lishi mumkin.
Shuningdek, bosh vazir Bratislavaning Ukraina hududi orqali gaz tranzitini qayta tiklash bo‘yicha choralar ko‘rishni davom ettirayotganini ma’lum qildi. U ta’kidlaganidek, agar yoqilg‘i yetkazib berish tiklanmasa, Yevropa mamlakatlari qayta raqobatbardosh bo‘la olmaydi.
Fiso bu ma’lumotlarning barchasini Slovakiyada faoliyat yuritayotgan Yevropa Ittifoqiga a’zo davlatlarning elchilariga yetkazganini qo‘shimcha qildi. Shu maqsadda hukumat rahbari xorijiy diplomatlar bilan uchrashuv o‘tkazdi.
Putinga Ukrainadan "qo‘ng‘iroq qilishdi"
Ukraina bir zarba bilan Rossiyaning qo‘mondonlik punktini yo‘q qildi
Ukrainaning yangi daxshatli quroli ko‘rsatildi: Rossiyaga yangi "Neptun" bilan zarba berildi
