"Shaxsan menda prezident Tramp haqida yaxshi xotiralar qolgan"

AQSh yadroviy quroldan voz kechish talablarini to‘xtatsa, biz ular bilan muzokaralarga tayyormiz, dedi Kim Chen In.

Koreya Markaziy telegraf agentligi xabariga ko‘ra, KXDR rahbari bu bayonotni o‘tgan haftaning oxirida bo‘lib o‘tgan parlament yig‘ilishidagi nutqida bildirgan.

"Agar AQSh denuklearizasiya bo‘yicha mantiqsiz intilishlaridan voz kechib, real voqelikni tan olgan holda Shimoliy Koreya bilan tinch hamkorlikka intilishni xohlasa, biz Vashington bilan muzokaralar stoliga o‘tirishimiz mumkin", — deya Kim Chen Inning so‘zlarini keltiradi so‘zlarini Yonhap agentligi.

"Shaxsan menda prezident Tramp haqida yaxshi xotiralar qolgan", — deya qo‘shimcha qildi Kim. U so‘nggi bor AQSh prezidenti bilan 2019 yilda uchrashgan edi.

KXDR yetakchisi Janubiy Koreya bilan munosabatlar haqida gapirar ekan, Pxenyan Seul bilan hech qachon muzokara stoliga o‘tirmasligini va Janub bilan birlashishga intilmasligini ta’kidladi.