FIFA O‘zbekistonda futbol bo‘yicha jahon chempionati qachon o‘tkazilishi sanalarini e’lon qildi

U-20 yoshlar o‘rtasidagi jahon chempionati, ya’ni FIFAning yoshlar mundiali O‘zbekiston va Ozarbayjonda 17 sentyabrdan 9 oktyabrgacha o‘tkaziladi.

Ma’lum qilinishicha, 2027 yilda bo‘lib o‘tadigan 20 yoshgacha bo‘lgan futbolchilar o‘rtasidagi jahon chempionati sanasi aniqlashdi.

Yoshlar mundiali 2027 yil 17 sentyabrdan 9 oktyabrgacha davom etadi. Unda dunyo bo‘ylab eng iqtidorli yosh futbolchilar jahon chempioni unvoni uchun maydonga tushishadi», — deyiladi telegram-kanaldagi xabarda.

Qayd etish joizki, 2027 yilgi U-20 yoshlar o‘rtasidagi jahon chempionati tarixda ilk bor turli futbol konfederasiyalariga mansub ikki davlat — O‘zbekiston va Ozarbayjon tomonidan birgalikda qabul qilinadi.

Mundialni o‘tkazish to‘g‘risidagi qaror FIFA Kengashi tomonidan 2025 yil oktyabr oyida qabul qilingan. Musobaqada jami 24 ta milliy yoshlar terma jamoasi ishtirok etadi.