Farg‘onada “Tashabbusli byudjet” uchun ovoz berish tiklandi

Farg‘ona shahrida “Tashabbusli byudjet”ning 2026 yilgi 2-mavsumi doirasida ovoz berish jarayoni qayta tiklandi.

Bunga Iqtisodiyot va moliya vazirligining talabi asos bo‘ldi. Vazirlik so‘roviga ko‘ra, Farg‘ona shahrida ishchi komissiya tomonidan ayrim loyihalar belgilangan mezonlar asosida qayta ko‘rib chiqildi.

Shu tariqa, vaqtincha cheklangan ovoz berish jarayoni Farg‘ona shahri uchun yana davom ettirildi.

Eslatma: “Tashabbusli byudjet”ning ushbu mavsumida ovoz berish jarayoni 31 avgust soat 23:59 gacha davom etadi.