Reuters agentligining xabar berishicha, YEIning to‘qqizta a’zo davlati Yevropa sport komissari Glenn Mikallefga yo‘llagan xatida Rossiya va Belarus sportchilarini qayta ishtirok etishiga ruxsat bergan sport tashkilotlarini, jumladan, Xalqaro olimpiya qo‘mitasi (XOQ), Butunjahon suzish federasiyasi va Xalqaro qilichbozlik federasiyasini moliyalashtirishni to‘xtatishga chaqirdi.
Xatni Estoniya, Daniya, Finlyandiya, Latviya, Litva, Niderlandiya, Polsha, Ruminiya va Shvesiya imzolagan. Xalqaro olimpiya qo‘mitasi o‘z qarorini himoya qilmoqda. U yerda ta’kidlashlaricha, sanksiyalarning bekor qilinishi vaqtinchalik xarakterga ega va bu tashkilotning Rossiyaga nisbatan pozisiyasining keng ko‘lamli o‘zgarganini anglatmaydi.
"XOQ murakkab voqelikda va joriy geosiyosiy vaziyatning oqibatlarini hisobga olgan holda yo‘l topishga majbur", — deydi qo‘mita vakili.
Matbuot kotibining qo‘shimcha qilishicha, XOQ Rossiyada musobaqalar o‘tkazmaydi va rossiyalik davlat rasmiylarini o‘z tadbirlariga taklif qilmaydi. Bo‘lajak Olimpiya o‘yinlarida Rossiya bayrog‘i, ranglari yoki madhiyasidan foydalanish bo‘yicha hali qaror qabul qilinmagan.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
"100 million dollar evaziga hatto o‘z otamning ham yuziga uraman"
