Evropa Rossiya bilan muzokaralarda yetakchi rol o‘ynashga tayyorligini bildirdi

Stefan Korneliusning so‘zlariga ko‘ra, Yevropa Ittifoqi Ukrainadagi mojaroni hal qilish bo‘yicha Rossiya bilan muzokaralarda yetakchi rol o‘ynashga tayyor.

Politico nashri keltirgan ma’lumotga ko‘ra, Yevropa tomoni AQSh boshchiligidagi mavjud muzokara jarayonini bosqichma-bosqich o‘z zimmasiga olish va uni davom ettirish niyatida.

Kornelius bu jarayon Vashington bilan yaqin muvofiqlashtirilgan holda amalga oshirilishini ta’kidladi. Uning aytishicha, hozirgi bosqich “qayta yo‘naltirish davri” bo‘lib, unda tomonlar muzokaralarga tayyorlikni shakllantirishi va kelajakdagi uchrashuvlar shartlarini kelishib olishi kerak.

Shuningdek, u Yevropa davlatlarini Rossiya bilan muloqotga tayyorlikni kuchaytirishga chaqirdi va bunday muzokaralar qanday shartlarda o‘tkazilishi mumkinligini oldindan belgilab olish muhimligini qayd etdi.

Bayonot Londonda Ukraina, Fransiya, Germaniya va Buyuk Britaniya yetakchilari ishtirokidagi uchrashuvdan so‘ng ma’lum qilindi.