Andijonda 16 yoshli qiz bilan jinsiy aloqa qilgan IIB xodimiga jinoyat ishi qo‘zg‘atildi

Ijtimoiy tarmog‘larda IIB xodimi voyaga yetmagan shaxsning nomusiga tekkanligi holati yuzasidan habar tarqaldi.

Aniqlanishicha, Qo‘rg‘ontepa tumani prokuraturasi tomonidan 2010 yilda tug‘ilgan voyaga yetmagan U.Ya joriy yilning 3-iyun kuni yashash xonadonidan noma’lum tomonga chiqib ketib, qaytib kelmaganligi yuzasidan tergovga qadar tekshiruv harakatlari o‘tkazilgan.

Tergovga qadar tekshiruv davomida, Andijon viloyat IIB voyaga yetmaganlarga ijtimoiy-huquqiy yordam ko‘rsatish markazi inspektori-ijtimoiy xodimi lavozimida ishlagan S.B voyaga yetmagan U.Mni Andijon shaharda joylashgan ko‘p qavatli uyga olib borib, u bilan jinsiy aloqa qilganligi aniqlangan.

Mazkur holat yuzasidan joriy yilning 4-iyun kuni S.Bga nisbatan O‘zbekiston Respublikasi Jinoyat kodeksining 128-moddasi 3-qismi «v» bandi bilan jinoyat ishi qo‘zg‘atilib, sudning tegishli ajrimi bilan gumonlanuvchi tariqasida «qamoq» ehtiyot chorasi qo‘llanilgan.

Hozirda mazkur holat yuzasidan Qo‘rg‘ontepa tuman prokuraturasi tomonidan dastlabki tergov harakatlari olib borilmoqda.