BMT Butunjahon meteorologiya tashkilotining prognoziga ko‘ra, Tinch okeanidagi “El Nino” hodisasining qaytishi mintaqaga mana shunday “kutilmagan holat”ni olib keladi.
"Ekvatorial Tinch okeanidagi jarayonlar va Markaziy Osiyo ob-havosi o‘rtasidagi bog‘liqlik bir qarashda tushunarsiz tuyulishi mumkin. Biroq 2026 yilda xavfli kumulyativ effekt yuzaga keladi. Antropogen omil sababli sayyora atmosferasi va gidrosferasi allaqachon xavfli darajada qizib ketgan", deyiladi prognozda.
Ta’kidlanishicha, ob-havoning normal o‘zgarishi o‘rniga, mintaqaga ulkan miqdorda yog‘ingarchilik to‘satdan yopiriladi. BMT prognozlariga ko‘ra, yilning bu paytida odatda quruq ob-havo kuzatiladigan Markaziy Osiyo va AQSh janubi anomal yog‘ingarchilikning asosiy nishonlaridan biriga aylanadi.
Shu bilan birga, Markaziy Amerika, Janubiy Amerikaning shimoli, Karib havzasi, Avstraliya, Indoneziya va Janubiy Osiyoning ayrim qismlarida asosan quruq ob-havo kuzatiladi.
“El Nino” — bu Tinch okeani ekvatorial qismining markaziy va sharqiy hududlarida yuza suvlarning anomal isishi bilan bog‘liq iqlim hodisasidir. U yer yuzining turli mintaqalarida atmosfera sirkulyasiyasi va ob-havo sharoitlariga ta’sir ko‘rsatadi. Hodisa odatda har 2-7 yilda bir marta sodir bo‘ladi va taxminan bir yil davom etadi. Biroq uning ta’siri Tinch okeanidan ancha uzoqda seziladi va deyarli butun Yer sharida harorat va yog‘ingarchilik tartibini o‘zgartiradi.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
