Evropa Komissiyasi 15 yoshgacha bo‘lgan bolalarning ijtimoiy tarmoqlarga kirishini taqiqlamoqchi

Evropa Komissiyasi 15 yoshgacha bo‘lgan voyaga yetmaganlar uchun ijtimoiy tarmoqlar va video almashish platformalariga kirishni cheklovchi yangi qoidalarni taklif qiladi.

Bu haqda Politico nashri masala bilan tanish manbaga va tegishli hujjatga tayanib xabar berdi.

Nashrning xabar berishicha, Yevropa Komissiyasi yaqin kunlarda yosh cheklovlarini rasmiylashtiradigan va ijtimoiy tarmoqlar va boshqa platformalar uchun yangi xavfsizlik talablarini joriy etadigan yangi Yevropa Ittifoqi BOLALAR (EU KIDS) to‘g‘risidagi qonunni taqdim etadi.

Hujjatlarga ko‘ra, taklif 15 yoshgacha bo‘lgan bolalar uchun ijtimoiy tarmoqlarga nazorat ostida kirishning ko‘p bosqichli tizimini yaratishga qaratilgan. Ta’kidlanishicha, bu to‘liq taqiqni emas, balki yoshga qarab ma’lum turdagi akkauntlardan foydalanishni anglatadi. Masalan, 13 yoshgacha bo‘lgan bolalar uchun akkauntlar vasiylar tomonidan kuzatiladi va "qat’iy xavfsizlik standartlariga" javob beradi. 13 yoshdan 15 yoshgacha bo‘lgan o‘smirlar uchun notanish odamlar bilan muloqot qilish va qurilmalardan foydalanish vaqtiga cheklovlar qo‘yilgan "kirish" akkauntlari, shuningdek, ota-ona nazorati funksiyalari taqdim etiladi. 15 yoshli o‘smirlar o‘z akkauntlarini yaratishlari mumkin bo‘ladi.

Bu qaror Fransiya prezidenti Emmanuel Makron kabi hukumat rahbarlarining bu masalani siyosiy kun tartibining yuqori qismiga olib chiqish uchun bir necha oy davom etgan kuchli bosimidan so‘ng qabul qilindi. Avstriya, Daniya, Fransiya, Gresiya va Ispaniya bolalarning ijtimoiy tarmoqlarga kirishini cheklovchi milliy qonunlarni qabul qilmoqda.

Evropa Ittifoqi prezidenti Ursula fon der Lyayen chorshanba kuni Strasburgda parlament a’zolariga Yevropa Ittifoqining holati haqidagi nutqida batafsil ma’lumot berishi kutilmoqda.

Evropa Ittifoqining yangi taklifi ijtimoiy tarmoqlar, video almashish platformalari, onlayn o‘yinlar, shuningdek, chatbotlar va SI-yordamchilariga taalluqli bo‘ladi, ammo ta’lim vositalarini qamrab olmaydi.