Evropa Kengashi o‘tgan hafta Yevropa Ittifoqiga a’zo davlatlar tomonidan erishilgan maxsus yordam jamg‘armasi orqali Ukraina Qurolli kuchlariga YEIning yordamini 5 milliard yevroga oshirish bo‘yicha kelishuvni ratifikasiya qildi. Bu haqda 18 mart kuni Yevropa Kengashi tegishli bayonotini e’lon qildi.
"Ushbu jamg‘arma bilan biz Ukrainani Rossiyaning agressiyasidan himoya qilishda davom etamiz", — deya ta’kidladi Yevropa Ittifoqi diplomatiyasi rahbari Jozep Borrel.
Reuters agentligining xabar berishicha, qo‘shimcha besh milliard yevro ma’qullanganidan keyin YEI tomonidan Ukraina armiyasiga ajratiladigan mablag‘larning umumiy miqdori 2021-2027 yillar uchun 17 milliard yevroni tashkil qiladi.
