Evropa diplomatiyasi rahbari “Ozodlik radiosi”ning yopilishi haqidagi xabarga munosabat bildirdi

"AQSh hukumatining “Ozodlik radiosi” faoliyatini moliyalashtirishni to‘xtatishi haqidagi xabarni eshitish men uchun qayg‘uli bo‘ldi. “Ozodlik radiosi” demokratiya mayog‘i edi va so‘z erkinligida uning juda katta ahamiyati bor", — deya ta’kidladi Kaya Kallas.

Shu bilan birga, Kallas Yevropa Ittifoqi hozircha Donald Tramp ma’muriyati qarori bilan yopilgan OAVlarni moliyalashtirishni o‘z zimmasiga olishga tayyor emasligini ta’kidladi.

"Bu savolga javob shundaki, bu o‘z-o‘zidan sodir bo‘lmaydi. Yevropa Ittifoqi qanday choralar ko‘rish mumkinligini o‘rganib chiqadi", — deb qo‘shimcha qildi YEIning tashqi ishlar bo‘yicha vakili.