Eronda qiyin ahvolda qolgan o‘zbekistonlik vatanga qaytarildi

Eron hududida og‘ir hayotiy vaziyatga tushib qolgan O‘zbekiston fuqarosi Vatanga qaytarildi. Bu haqda «Dunyo» axborot agentligi xabar berdi.

Ma’lum qilinishicha, O‘zbekiston fuqarosi hujjatlar bilan bog‘liq muammo va og‘ir moliyaviy ahvol tufayli diplomatik vakolatxonaga murojaat qilgan. Shundan so‘ng elchixona xodimlari zudlik bilan uning qaytarilishini tashkil etish bo‘yicha zarur choralarni ko‘rgan.

Eron rasmiylari bilan hamkorlikda xorijga chiqish vizasi rasmiylashtirilgan. Eronning «Zagros Air» aviakompaniyasi bilan muzokaralar o‘tkazilib, natijasi bo‘yicha Tehron–Toshkent to‘g‘ridan-to‘g‘ri reysi uchun aviachipta imtiyozli shartlarda sotib olingan.