Eron shvesiyalik diplomatga mamlakatni tark etishni buyurdi. Bunga Shvesiyaning Stokgolmdagi Eron elchixonasi xodimini mamlakatdan haydab yuborgani sabab bo‘ldi. Bu haqda Al Jazeera xabar berdi.
Eron Tashqi ishlar vazirligi Shvesiyaning bu harakatini asossiz deb baholadi. Vazirlik bu qaror sionistik rejimning (Isroilning) ta’siri ostida qabul qilinganini hamda Eron elchixonasi faoliyatiga xalaqit berishga qaratilganini bildirdi.
Eron TIVning G‘arbiy Yevropa bo‘yicha bosh direktori Alirizo Yusufiy Shvesiyaning Tehrondagi elchisini chaqirtirdi. U Shvesiyaning Eronga qarshi “terrorchi” guruhlarga mezbonlik qilayotganiga e’tiroz bildirdi.
Tashqi ishlar vazirligi Eron o‘z milliy huquqlari va manfaatlarini himoya qilish uchun zarur choralarni ko‘rishini ta’kidladi. IRNA agentligining xabar berishicha, uchrashuvda Shvesiya diplomatiga Eronni tark etishi uchun 48 soat vaqt berilgani ma’lum qilingan.
Muhojirlar ketmoqda — Moskva esa qaytishga chaqirmoqda
AQSh Eronda qulagan F-15E uchuvchilarini evakuasiya qilish operasiyasi kadrlarini maxfiylikdan chiqardi
Boshlang‘ich sinf qizlari uchun hijobni taqishni taqiqlash taklif qilinmoqda
