Eron va AQSh o‘rtasidagi kelishuvni to‘rt bosqichda amalga oshirish rejalashtirilmoqda — Al Hadath

Telekanal manbalariga ko‘ra, reja quyidagi bosqichlarni o‘z ichiga olishi mumkin:

— Birinchi bosqichda tomonlar amaldagi o‘t ochishni to‘xtatish tartibini mustahkamlashlari, to‘g‘ridan-to‘g‘ri harbiy harakatlardan voz kechishlari va mintaqada yangi frontlar ochilishiga yo‘l qo‘ymasliklari kerak;

— Ikkinchi bosqich Ho‘rmuz bo‘g‘ozi va dengiz xavfsizligiga bag‘ishlanadi. Bunda blokadani bekor qilish hamda kemalar qatnovi va energiya quvurlari xavfsizligini ta’minlash ko‘zda tutilgan;

— Uchinchi bosqich Eronga qarshi sanksiyalarni qisman yumshatishni va Tehronning xorijdagi aktivlari bir qismini muzlatishdan chiqarishni nazarda tutadi;

— To‘rtinchi bosqichda tomonlar Eronning yadroviy dasturini, jumladan, uranni boyitish darajasi va xalqaro nazorat mexanizmlarini muhokama qilish niyatida.